¿Quién somos?

SOMOS:

• Una candidatura coleutiva y llibre formada por estudiantes de toles especialidades que s’imparten na Facultá de Formación del Frofesoráu y Educación.

• Una xunta abierta a tu participación.

NUN QUEREMOS:

• Que los voceros de los estudiantes seyan pasivos, desconocíos o combayones con partíos políticos ya intereses ayenos a los del alumnáu.

• Una Facultá o una Universidá trancada y vertical, onde les tos opiniones, quexes o propuestes nun puedan sentise.

• Una educación mercantilista y teunocrática, onde la calidá s’empobine a la recaudación penriba la to formación.

• Una Facultá inmóvil ya inactiva, con una representación estudiantil que nun seya a facela alitar.

SÍ QUEREMOS:

• Una representación d’estudiantes real, accesible ya independiente: la nuestra propuesta ye namái l’entamar una asamblea abierta d’estudiantes, un foru públicu d’alderique nel que puedas espresar les tos opiniones, quexes y propuestes, de mou que se treslladen direutamente al Claustru y a la Xunta de Facultá.

• Una Universidá transparente y horizontal, onde la voz del alumnáu tenga un pesu verdaderu.

• Una educación humanista, personalizada y empobinada a la nuestra formación.

• Una Facultad viva y creativa: al traviés de les Sestaferies de Festexos, Cooperación, etc.,
  [entamaes y calteníes de manera autónoma pol propiu alumnáu] l’Asamblea ye un noyu xenerador d’actividaes formatives y llúdiques, dientro y fuera del nuestru Campus, feches por TOLOS Y TOLES ESTUDIANTES de mou voluntariu y n’andecha: conferencies, talleres, seminarios, viaxes, cooperación internacional, Cuentacuentos, Amagüestu, espiches...

Esti día 4 de payares:

Eleiciones a Representantes de Estudiantes nel Claustru Universitariu y na Xunta de la Facultá de Formación del Profesoráu y Educación.

L'Asamblea Abierta d'Estudiantes d'Educación ye una plataforma formada por nosotros y nosotres, los y les estudiantes de la Facultá:

• Pa que la nuestra representación seya direuta, viva y abierta al alumnáu.

• Para que nun secuestren la nuestra voz nos órganos de decisión de la Universidá.